Purahei ndeve guara

Kuñataimi resa hu vera mborayhu memeva

Pukavy rory, mbyja ko’emi hendypu jajai

Nde pire saka arai ryjuire ovevuipamiva

Ha ne ryakua asahapoty ryakuavurei.

Nderayhuhami koraso mbytegui purahei okyva

Ndeve guaraite oguahe nde kera nemyakekoimi

Purahei pyahu mombyry guive ndeve apuraheiva

Ne kunu’umi ahechaga’ugui che mborayhumi.

Mombyry asyete anga nde ypygui che tyre’yva

Ndaikatu mo’aimaro ndehegui añembuesarai

Mborayhu añete nipo raka’e nderehe añanduva

Ha upeicha rupi ko nderehe’y aiko nda vy’ai.

Ne ra’angami “nde yvytuvera” chendive arekova

Nde avakuemindi oñondive chemo irumiha

Ka’aru pyu avy’a y etero amoñe’emba

Ambogue hagua che ñe’a kyryigui mba’embyasy eta.