Taheñói jevy ñanemba’e

Tovéna Tupã tachepytyvõ

ha’emi haguã che py’arasy

ymaite guivéma añandu,

heta ára nachemongevéi

ipohýigui ndaikatúi amoñe’e.

Ymaveguaréicha jaikomi jevy

ñane ñe’etépe ñañemongeta

mba’éreiko ñamboyke

umi ñande ypykue pypore

néina tapicha ñañemoirumba

taheñói jevy ñanemba’e.

Jahayhuve ñane retã

ha’eichaitéva ndahetái

tetã ambue maymávagui iporãve

yvytu pópe jaheja ñane ñe’e

tomyasãi tomosarambi,

tojekuaa oparupiete.

yvytu pópe jaheja ñane ñe’e

tomyasãi tomosarambi,

tojekuaa oparupiete.